Tiva Kam ah a Kee 2 Lungtum Thlaih Buin a Rak Thu Dih Cangmi Pa Pakhat Ruak an Hmuh

| The Chin Journal | Hakha, Chin State

Rakhine ram, Min-pyae khua tiva kam ah a kee 2 lungtum thlaih buin a rak thimi pa pakhat ruak an hmuh.

A kee pahnih lungtum ah hri he aa hrengmi pa ruak cu Min-pyae khua, U Soe-tint sang i a ummi Lay-myo tiva kam ah April 7 zinglei (tuzing) ah an hmuh hi a si tiah mithmut tette minung nih an chim.

“Cu hmun ah cun mi tampi nih an zoh caah ka va zoh ve. Pa ruak a si, tiva kam ah a bawh buin a si, a kee pahnih hri aa hreng. Cun, lungtum ah aa ttem. Lay-myo tiva in a rak fenhmi a si lai” tiah a chim.

A ruak cu a thu dih cang, a kee le a phei tlawmpal a kok. Mizei a si timi hngalh a si lo. Hi kong he pehtlai in palik sin ah thawng kan thanh cang tiah U Soe-tinh sang ummi hna nih an chim.

Min-pyae peng palik sakhan ah thil sining dothlat a si ko nain, palik sin ah zei thawngpang hmanh a phan rih lo.

Rakhine ram, pengkulh 5 ah zaan leng chuah lo ding timi nawl an chuah. Hi chung ah hin Min-pyae peng zong aa tel ve.

-DVB

Latest News