Tiphul Khuami Cheukhat Quarantine Luh Ding in Anmah Tein Hakha ah an Ra

| The Chin Journal | Hakha, Chin State

Tiphul khuami cheukhat cu anmah tein Hakha College ah Quarantine luh ding in a rami an um, tiah thawng kan theih.

COVID-19 mizaw Nu Zing he tiva a rak kal ttimi minung pakhat cu April 29 ah khan amah tein Hakha College ah Quarantine luh ding in a rak ra.

“COVID-19 mizaw he tiva ah kan kal ti a ti i, amah tein a ra. Nawlngeitu lei nih motor in vung lakmi a si lo. Nu Zing he naihniam in a ummi paoh Quarantine ah um ding in va kal u a kan ti caah kan ra an ti. Cun, a dang minung 2 zong motorcycle pahnih in an rak thlah tthan hna. A thlahtu pahnih cu cuticun an kir tthan salam ko. April 30 zong ah khan kum 50 hrawnghrang nu pahnih nithawng an rak i zawn i an thiltomte he Quarantine luh ding in an ra,” tiah minphuan a duh lomi ttuanvo ngeitu pakhat nih Chin World ah a chim.

Quarantine luh ding in a rak thlahtu pawl hi an khua ah an kir tthan dih caah zawtnak hna ngei sual hna sehlaw Tiphul khua an i chawn dih lai ti zong kan phang, tiah sayama pakhat nih a chim.

Atulio Hakha College ah hin Quarantine a lutmi minung 50 leng an um i a voi khatnak an checkmi hna ah ahohmanh zawtnak an ngei lo. Voi khat an check nolh tthan hna lai, tiah theih a si.

Latest News

News in Burmese