Timit Lampi ah Motor aa Let, Nu Pakhat a Nunnak a Liam

| The Chin Journal | Hakha, Chin State

December 6, zinglei ah Timit lampi ah Light Truck motor aa let i nu pakhat a nunnak a liam i, pa pakhat Hakha sizung ah an phakpi, tiah thawng kan theih.

Motor aa lehnak hmun hi Timit le Pialva karlak, Thaal timi hmun ah a si i, aa letmi motor cu Tikir lei ah khual a tlawngmi nih an hmuh hna i zinglei sml. 9:00 hrawng ah Hakha lei ttuanvo ngeitu pawl thawng an thanh hna, tiah Khuathar ah a ummi Pastor Thang Chum Lian nih a chim.

“Nu pakhat a hmun ah a nunnak a liam colh. Pa tu cu Hakha sizung ah an kalpi. Tikir khualtlawng nih an hmuh hna i atu zinglei sml. 9:00 hrawng ah khan thawng a vun kan thanh,” tiah The Chin Journal ah a chim.

Motor aa let i a nunnak a liammi nu hi Dawrhlun khusa a si tiah theih a si nain ahodah a si timi a konglam fiang in kan thei kho rih lo.

Latest News