Tikir ah Paletwa Ralzam 60 Leng ah an Kal Than

| The Chin Journal | Hakha, Chin State

Nihin zinglei ah Samee khua ah a ummi Paletwa ralzam minung 61 cu Tikir khua ah kal ding in an i thawh, tiah thawng kan theih.

Atutan Tikir khua lei a panhmi pawl hi Bawm an i tel bang in Khumi zong an i tel hna.

Tikir khuabawi Pu Lian Thang nih, “Nihin ah an run i thawh lai tiah kan theih. Minung 60 leng an si. Thantlang ah an lut hmasa lai i, cu dih cun Tikir ah an rak ra lai,” tiah a chim.

COVID-19 zawtnak a um lio a si i, Thantlang khua ah Quarantine in hi ralzam pawl hi chiah ve an si lai le lai lo kong he pehtlai in Thanglang sizungpi siibawi a ttuan liomi Dr. Van Lian Hup nih, “Zawtnak a umnak hmun le ramdang in a rak tlungmi deuh Facility Quarantine in kan chiah hna,” tiah a chim.

Atutan ralzam 61 hi Tikir khua ah Daw Khin Kyi Foudation nih a sakmi inn ah umter an si lai tiah khuabawi nih a chim chap.

Tikir ah aa tthialmi ralzam inn 37, milu 100 leng an um cang i atutan hi a thar in milu 61 an hun i chap tthan lai.

Latest News

News in Burmese