Tial Cung Thang le Indonesia Pa Singapore ah an i Phomh Lai

| The Chin Journal | Hakha, Chin State

MMA thongh thiam Tial Cung Thang “The Dragon Leg” le Indonesia pa cu aralaimi February 5 ah Singapore ram ah an i thong lai, tiah thawng kan theih.

February 5 ah One Championship thongh zuamnak “Unbreakable III” timi a um lai i, cuka hmun ah cun i thongh ding in Tial Cung Thang cu Singapore ram zong ah a phan cang, tiah US ah a ummi naihniam chungkhar sin in kan theih.

Tial Cung Thang he aa thong dingmi pa hi Indonesia rammi Paul Lumihi tiah theihmi a si i, MMA thongh zuamnak tual ah Paul “The Great King” Lumihi tiah minhleng an pekmi a si.

Tial Cung Thang hi aluancia March 8, 2019 ah Rin Saroth he an rak i thong i teinak a rak hmu. Cun, December 6, 2019 ah Woon Kyoum Kim he an rak i thong tthan i a tei thotho.

Atutan amah he aa thong dingmi Paul Lumihi hi Kung Fu, Taekwondo, Wushu le Muay Thai a cawngmi a si.

February 5 ah an tuah dimgmi One Championship puai cu Myanmar ram ah cun zan sml. 7:00 ah Skynet in zoh khawh a si lai.

Tial Cung Thang le Paul Lumihi puai hi tuan deuh ah khan cu January 22 ah rak timhtuah a si nain COVID-19 ruang ah aa thong dingmi hna minung thlennawnnak a um i, February 5 Unbreakable III tu ah i thongh ding in an tthial tthan hi a si.

Latest News

News in Burmese