Ti ah a Paam mi Kawl Ralkap Pahnih Ruak an Hmuh

| The Chin Journal | Hakha, Chin State

Mandalay ramthen, Meik-thi-la khua in chaklei ah ummi tidil pakhat ah ti in a paam mi Kawl ralkap 2 ruak April 15, zinglei ah an hmuh.

Atu a thimi hi Meik-thi-la peng, Shin-tey khua No.10 ralkap sehzung in Sergeant Pyi Phyo Thu (kum 29) le Win Ko Ko Kyaw (kum 27) an si.

“An pum ah leng lei hliamhma zeihmanh a um lo. Ti an i kholh lio ah ti in an paam a si kho men” tiah palik bawi pakhat nih a chim.

Shin-tey khuami Ko Myo Myint nih “A linh tuk ruang ah ti an hmuh bak in tikholh duhnak lungthin an ngei colh i ti an i kholh a si kho. Hi hmun hi a si theo tawn, i ralrin ngaingai a hau” tiah a chim.

A thimi pahnih ruak cu chekhlainak an tuah cuahmah lio a si.

Latest News