Thlithup in Innpa a Bih Hnanak ah Thir Kutka ah a Lu a Taap

| The Chin Journal | Hakha, Chin State

Colombia ram, La Virginia khua ah a theitu mizapi nihchuak in a umtertu  thil sining pakhat a hun cang.

Kum (50) hrawng a simi nutung (Min an langhter lo) pakhat nih an innpa nih zei kong dah an ceih timi theih duh ah an thir kutka a lu a hrolh i a hna a hun tun tik ah a lu cu a chuah kho ti lo.

Cuticun lungrethei awlokchong in thir kutka ah a lu aa hreng i an bia thlithup in a ngeihmi chungkhar lila nih meithat zung ah bawmh an hal.

Meithat zung minung pawl nih minu a lu him tein chuah awkah suimilim panga hrawng an rau tiah Colombia ramchung Radio pakhat a simi Radio La Roca FM nih a chim.

Zei ruang ah dah suimilam panga reru an rauh tiah a lungsi lomi cheukhat an um ve.

Asinain, innpa cheukhat nih, “Meithat zung riantuantu pawl an rak phan i minu an hmuh tik ah an nih a chuak tuk ve. An nih lengmang ca ah hi tluk hin an rauhnak a si,” tiah an chim.

Minu hi khawndennak hliamhma zeihmanh tuar lo tein a lu an chuahpiak khawh than.

Online ah mi tampi nih, “Mi thangchiat duh ah thlithup in an bia a ngeih caah a si. A tuh bang in a zun ko cuh!” tiah minu cu sual an phawt.

-Radio La Roca FM, Elite Readers

Latest News