Thlichia nih Biakinn a Hrawh nain Vailamtung Te Tlu Loin a Dir

| The Chin Journal | Hakha, Chin State

October 20 ah US ram, Texas State chung ah a ummi biakinn pakhat cu Tornado thlichia nih fak tuk in a hrawh nain biakinn chung i vailamtung te tlu loin a dir caah pastor Shea Sumlin nih vailamtung te tlu loin a dirmi kan hmuh tikah lung hnangamnak a kan pek, tiah a chim.

Tornado thlichia nih a hrawhmi biakinn hi Dallas nichaklei kap ah a ummi Northway Church a si.

Cu lawng si loin a dang biakinn pakhat le sianginn pathum telh in innlo tampi thlichia nih a hrawh hna.

Thlichia nih a hrawhmi Northway Church biakinn hmai ah zumtu hna thla an cam

Northway Church ah Pastor a ttuanmi Shea Sumlin nih, “Thlichia nih a hrawhmi kan biakinn chung ah nihin cu ka tthu ta. Hmelchunhnak phun khat bantuk in Jesuh Khrihfa vailamtung te tlu loin a dirmi ka hmuh tikah cu thil sining nih cun ka lung a ka hun hnemh ngaingai. Biakinn kan timi hi Khrihfabu a si lo; Khrihfabu timi cu Hell kuaka hram le Tornado thlichia lak zong ah Jesuh Khrihfa i bochan in hmuhkhat a dir ttimi mibu hi kan si…kan biakinn cu rawk ko khamh sehlaw kan Khrihfabu tu cu a ningpi in a ngan a dam zungzal lai. Pathian cu thangthat si ko seh!” tiah a ttial.

Tornado thlichia nih a hrawhmi Northway Church i an pastor Shea Sumlin hi ahlan ah The Well Community Church le The Village Church timi zong ah pastor a rak ttuan balmi a si.

-Fox News

Latest News