Thimnak a Dih Tiang VP Henry Van Thio Thantlang ah a Caam Lai

| The Chin Journal | Hakha, Chin State

Laitlang ah a phanmi Vice President Henry Van Thio cu Myanmar rampi thimnak a dih tiang aa zuam nakding Thantlang khua ah a caam lai, tiah theih a si.

Sipin vuanci U Soe Htet nih, “Ni hnih ni thum chung hrawng tthanchonak rian pawl a zohfel hnu ah Thantlang ah a kal lai. Thantlang ah aa zuam ding a si caah anih zong Thantlang peng ah vote lemsoi ah a kal ve lai. Thinnak a dih tiang a um ko lai. Thimnak a dih tik ah a kir tthan te lai,” tiah a chim.

Pu Henry Van Thio cu October 25 ah Hakha khua ah a phan i, Vum Tu Maung certual tthutnak an remhmi, Hakha University, GTI le Hakha Education College tibantuk ah a kal i vehvatnak a vung tuah.

Pu Henry Van Thio cu nihin zinglei zong ah khan a chungkhar he Surbung vanlawng bual ah Flight Test an tuahmi ah an teltumpi ve hna.

Ni 11 lawng aa duh cangmi November 8 thimnak ah Pu Henry Van Thio cu Thantlang peng, Amyotha Hluttaw mehmun ah aa zuam lai, tiah theih a si.

Cherhchan: Khonumthung Burmese

Latest News

News in Burmese