“The Rock” a Thi Tiah Thawngpang Deu a Voi 3nk a Chuak Than

| The Chin Journal | Hakha, Chin State

WWE ah “The Rock” tiin rak theihmi atulio Hollywood lemcang “Dwayne Johnson” (kum 47) cu video aa thlaknak ah ruah lo piin accident a tong i a nunnak a liam, tiah November 14 thawk in thawngpang deu a hun chuak tthan.

2011 le 2014 zong ah khan Dwayne Johnson a nunnak a liam tiah thawnpang deu an rak lenter cang i atutan hi a voi thumnak a si cang.

Facebook ah “Dwayne Johnson cu Stunt a tuahnak ah khawndennak a tong i a nunnak liam” tiah BBC nih a ttialmi bang in an langhter. Cu thawngpang cu hmeh tik ah BBC website ah si loin a dang website deu pakhat chung ah a vung lut.

The Rock a nunnak a liam tiah thawngpang a len tlawmpal ah amah The Rock pumpak nih, “A thi tiah thawngpang a lengmi hi adiklomi a si. A suilimlam ttem in, a nicaan tuak in le a kum in ka nungdam tuk rih,” tiah Facebook ah ca a tar.

The Rock cu December 5 ah an thlah dingmi Jumanji: The Next Level zukcawl zong ah Main Actor ah aa thla i Super Hero Film a simi Black Adam timi zukcawl zong aa thlak cuahmah lio a si.

-Metro

Latest News