Thantlang Peng, Hnaring Khua ah Lamzawhnak Tuah an Tim

| The Chin Journal | Hakha, Chin State

Thantlang peng, Hnaring khuachung i sianginn hmai celhtual chung tan in le sianginn area chung ah nawlngeitu lei nih lam an sermi le uknak zung inn sak an timhmi kong ah khuami hna nih lamzawhnak tuah an tim, tiah theih a si.

Celhtual chung ah lam an ser bang in sianginn area chung ah uknak lei zung inn zong sak an timh ca ah Hnaring khuami hna nih cunglei ah ca an tial ko nain atu tiang tuanvo lakpiak a um lo i, July 14 ah lamzawhnak tiang tuah an i timh hi a si.

Hnaring khuami Salai Michael nih, “2016 ah khan celhtual chung ah lam ser lo ding in ca kan rak tial cang nain tuanvo a kan lakpiak lo. Atu zong sianginn area chung ah uknak zung inn sak an timh i Foundation an cawh len cang,” tiah a chim.

Hi kong he pehtlai hin Hnaring khuami hna nih Myanmar President le Vice President sin zong ah ca an tial cang.

Cun, Daw Aung San Suh Kyi sin le tuanvo ngeitu zung pawl ah ca an rak kuat bal cang hna. Asinain, atu tiang acozah lei nih tuanvo lakpiaknak a um rih lo, tiah theih a si.

-Chin World

Latest News