Thantlang ah Nuva Karlak Thahnawnnak a Chuak

| The Chin Journal | Hakha, Chin State

Nihin (Jan. 21) zanlei sml. 5:00 hrawng ah Thantlang khua ah a vapa nih a nupi namtong in a lu ah a tuk i a nunnak a liam, tiah thawng kan theih.

A nupi a thattu pa hi Pu Si Bik a si i, thahnawn a tongmi a nupi hi Pi Biak Hnem tiah an auhmi a si.

Zei ruang ah dah Pu Si Bik nih a nupi hi a thah timi fiang in theih a si lo. Nu le va karlak bia an i elnak ah a kut a luan sualmi a si kho men, tiah an ruahdamh.

Pu Si Bik le Pi Biak Hnem hi fa pasarih a ngeimi zong an si. Pu Si Bik cu Thantlang palik nih an tlaih i mithah lainawnnak pohma 302 in case an on, tiah theih a si.

Latest News

News in Burmese