Thantlang ah COVID-19 Mizaw Thlopbulnak Mini Emergency Hospital an On

| The Chin Journal | Hakha, Chin State

Thantlang khauchung COVID-19 mizaw pawl inn ah i thlop ti loin a dang tein thlopbul khawh an si nakhnga Mini Emergency Hospital (MEH) cu July 7 ah on hram an thawk, tiah kan theih.

“Thantlang Covid-19 Response Committee nih tuah ding ah saduhthah rak ngeihmi Mini Emergency Hospital cu nihin in kan on. Mah hlan cu zarh hnih chung kan mizaw pawl an inn cio ah Oxygen kan rak pek hna. Riantuan tu ca ah le Oxygen kong kan buai deuh caah hi MEH hi kan tuah nak a si,” tiah COVID-19 Response Committee nih an laghter.

Sibawite nih mizaw pawl sining an theih khawh peng nakhnga CCTV bunh a si i, sii sayate fawi tein an i pehtlaih/bia an i ruah khawh nakhnga Sound System zong bunh a si fawn.

Cun, MEH ah hin mizaw hna ca ah Oxygen ready in an chiahpiak hna.

MEH ah hin COVID-19 mizaw panga an thlopbul lio hna a si, tiah Thantlang COVID-19 Response Committee ah ttuanvo ngeitu nih an langhter.

Advertisement

Thawngpang Thar