Thantlang ah COVID-19 in Minung Pakhat a Nunnak a Liam

| The Chin Journal | Hakha, Chin State

Nihin (July 9) zinglei sml. 10:30 hrawng ah Thanthlang khua ah Pu Hrang Chum cu COVID-19 zawtnak in a nunnak a liam.

Pu Hrang Chum hi Sianginn sang ah a ummi a si i aluancia June 19 in nihin July 9 tiang Oxygen pek buin an thlopbulmi a si.

A nunnak a liammi Pu Hrang Chum hi Chinland Flower Private School ah sayagyi rian a ttuanmi a si.

Atu tiang Thantlang khua ah COVID-19 in minung pahnih an nunnak a liam cang i, July 8 tiang COVID-19 mizaw 67 an um.

Hakha zong ah nizaan July 8 ah COVID-19 in minung 2 sizung ah an nunnak a liam ve. July 8 tiang Hakha ah COVID-19 mizaw 96 an um tiah kan theih.

Advertisement

Thawngpang Thar