Thaizing Surbung ah a Voi Khatnak Vanlawng a Tum Lai

| The Chin Journal | Hakha, Chin State

Thaizing October 27 ah Surbung vanlawng bual ah a voi khatnak bik vanlawng an ttumter lai, tiah theih a si.

A tum dingmi vanlawng hi khualtlawng 70 cit khawhmi ART-72 vanlawng si lai i, Yangon in zinglei sml. 7:00 ah a rak i thawh lai.

Mandalay ah datsii an rawn ta lai i, nikhua nih thil sining a pek a si ahcun Surbung vanlawng bual ah tum ding in a rak lan lai.

Ahlan ah khan Check Flight tiin voi khat Surbung vanlawng bual cung ah an rak zuanter cang i cu lio ah cun Check Flight lawng a si caah an ttumter lo.

Atutan hi Test Flight tiah ti a si i, vanlawng tumter ding in timhtuah a si. Surbung vanlawng bual cu July thla ah khan on ding in timhtuah a si nain COVID-19 zawtnak ruang ah le vanlanwg bual remh awk tlawmpal a um rih ruang ah onnak an tuah kho rih lo.

Latest News

News in Burmese