Thailand Tiva ah a Tlami Kayin Nu Pakhat Ni 2 Hnu ah a Ruak in an Char

| The Chin Journal | Hakha, Chin State

Thailand tiva ah a tlami Kayin nu pathum chung ah pakhat cu nihnih a luan hnu ah a ruak in an hmuh than cang.

Alauncia Feb. 23 ah Thai-Myanmar ramri Tak province, Tha Song Yang peng tiva ah Myanmar ram in a rami Kayin siangngakchia nu pathum cu an hawile minung 16 he cangkareuh kawl an kalnak ah ti chung an tla.

A zaanlei ah minung pahnih cu nungdam in an chanhchuah khawh hna. Asinain, “Ma Shi Suu” tu cu hmuh thai loin a tlau tiah The Nation thawngzamh nih a langhter.

Hi kong he pehtlai in an sianginn ah part-time in rian a tuanmi saya Saw Se Lay nih “tuzing suimilam 7:00 hnu ah kan hmuh than, ti a tlaknak zawn he aa hlat lem lo. Ti cung ah a kut a rak mang, hika zawn hi ti zong a thuk ngaingai. A ruak an hun char ah cun a rak thu cang” tiah DVB thawngzamh ah a chim.

Hi siangngak pathum hi Canada hrambunh ‘Project Umbrella Burma’ timi NGO phu bawmhnak in Thailand ah sianginn a kaimi an si. PUB hi a bik in Kayin hartong pawl bawmhnak a petu phu an si.

Photo: nakornmaesotnews

Latest News