Thailand Rili Cung ah Inn a Sami US Pa le a Darling Nu Thihdan Pek an Timh Hna

| The Chin Journal | Hakha, Chin State

Thailand rili cung ah inn a sami US pa ‘Chad Elwartowski’ le a darling nu cu an i thuhnawh caah ti ralkap nih an kawlhawl cuahmah hna. An tlaih khawh hna a si ahcun thihdan pek ding in timhlamh an si tiah BBC nih April 18 ah a langhter.

Chad Elwartowski le a darling nu Supranee Thepdet nih hin Thailand ram uknak phung an buar tiin Thai Navy tuanvo ngeitu hna nih an chim.

Asinain, Mr Elwartowski nih cun “Hi inn hi titlang in meng 13 a hlatnak hmun ah a ummi a si. Thailand ukmi rili he pehtlaihnak a ngei lo. Cucaah sualphawt khawh an si lo” tiah a chim.

US pa le a darling nu nih hin nawl halnak pakhat hmanh tel loin anmah nawl in rili cung ah inn an sak. Cucaah Thai uknak phung an buar tiin thihdan asiloah thih hlan lo thongthlak an i huah kho.

Chad Elwartowski hi Internet tangka kawlnak ‘Bitcoin’ ah rian a tuanmi a si. Cu lawng siloin American ralkap i Software Engineering a pakhat a si.

Hi hna kawp hi ramkip rili cung ah inn a sa tawnmi an si. Thai rili cung inn an saknak hi thla 1 hrawng a rau cang nain Thailand cozah nih atu ceo lawng ah thil sining an theih.

Rili cung inn satu phu pawl nih “Hi hna pahnih nih hin rili cung ah inn an sakmi a si lo, an hlanmi a si” tiah cathanh an chuah.

-BBC

Latest News

News in Burmese