Thailand ah MP Cuh aa Timmi Model Nu Soisel a Tong Ngaingai

| The Chin Journal | Hakha, Chin State

Aralaimi election ah Thailand ram, Maha Sarakham province in MP cuh aa timmi Model thing ‘Ploypilin’, sexy ngai in aa thlakmi a hmanthlak pawl tuzarh chung ah online cung a hun kai hnu ah mi tampi nih an ngiatthlai ngaingai tiah Khaosad thawngzamh nih a langhter.

‘Ploypilin’ hi Thai Local Power Party in MP cuh aa timmi a si. “Anih hi a hlan ah Model pakhat a rak si bal, atu online cung an zamhmi hmanthlak pawl hi Model a tuan lio hmanthlak a si caah mi tampi thinlung tuaitam in nan um sual nakhnga lo kan nawl hna” tiah Thai Local Power Party chimnak nawlngeitu nih nawlnak a tuah.

Anmah Party chung in Chuenchob nih; “Ploypilin nih hin upadi he kalh in a langhtermi a si lo, aa dawhnak pawl a langhtermi a si ko. Amah pumpak hmanthlak a si caah amah nawl a si ko. Model a rak tuan cangmi a si caah, hi bantuk thil hi tuah hlah tiin khamnak nawl kan ngei lo” tiah a chim.

Ploypilin cu Election Commission nih MP cuh ding in a min an fehter cang caah mee-suainak lei bawmhchanh timhmi zong tthulh a herh lo tiah a chim chap.

Ploypilin nih 2018 ah aa rak thlakmi sexy hmanthlak pawl online ah an rak langhter. Cu lio ah cun, mi tam taktak nih share an rak tuah cio. Mi cheu nih hurduhcuai lei in share a tuahmi zong an rak um hna.

-Khaosad

Latest News

News in Burmese