Thailand ah Inn Ngeitu Tangka Firtu Myanmar Sinum Nu an Tlaih

| The Chin Journal | Hakha, Chin State

Thailand ram, Bangkok khua ah inn ngeitu tangka Baht 100,000 a firtu Myanmar sinum nu an tlaih tiah Thai thawngzamhca pakhat nih a langhter.

Kum 34 minung, Myanmar sinum nu Shwe Zin Ma nih a riantuannak inn ngeitu tangka a fir hnu ah a zaampi. Inn ngeitu nih palik sin ah report a tuah i hlathlainak an tuah. Sinum nu cu a darling pa umnak teih-khan ah an tlaih khawh.

Shwe Zin Ma hi Condominium pakhat ah inn thianhhlimhtu riantuanmi a si. Rian a luh hnu ni 2 a luan ah a darling pa i a pa ruah lo piin a thi tiin khunh a hal i kal a tim.

Inn ngeitu nih Taxi  hlannak ah a va tlah. Inn ngeitu cu lunghrinnak a ngeih caah inn lei a va tin. Cu ah cun a bizu cu hnokcur in a rak um. Bizu aan-suai chung i a chiahmi tangka Baht 100,000 a rak um ti lo ruang ah palik sin report a tuah.

Palik nih nihnih chung hlathlainak an tuah i nizaan ah Shwe Zin Ma cu an tlaih khawh. Inn ngeitu tangka a firnak kong cu aa hung phuang. Amah sin ah Baht 20,000 a um i a tangmi 80,000 cu a hawile sin ah a chiah.

Inn ngeitu tangka cu tlawttlau lo tein an lak khawh than. Hi nu hi a hlan zong ah fir a hmang tawnmi a si. A hlan ah thilri a rak fir piakmi hna a ngeitu paohpaoh nih liam-man nan hal khawh than tiah La-wa-ka bawi pakhat nih press conference ah a chim.

– DVB

Latest News