Tedim Ram Meikangh ah Nu Pakhat Nunnak Liam

| The Chin Journal | Hakha, Chin State

April 8 zan ah Tedim khua, No. 19 sang ah a ummi nu cu ramlak ah thinghlam ding in a kalnak ah ram meikaang nih a rak kangh ruang ah a nunnak a liam, tiah theih a si.

Tedim khuami pakhat nih, “No. 19 sang ah a ummi Nu Da Cing a si i, zanlei rawlchuannak thinghlam ding in a kal i a rak tlung ti lo. Ramlak ah chungkhar nih an vung kawl tik ah a nunak a rak liammi an hmuh,” tiah Chin World sin ah a chim.

Tedim khua ah hin Maha-Dat-Aa Line a ngah rih lo caah rawlchuannak ah thing hi an hmang peng rih.

Atu bantuk in ningcang loin ram meikhangh hi Tedim peng ah a um tawn zungzalmi a si i, ramsa le thinghram zong an rawhral ngaingai caah ram mei duah lo ding in a aupitu zong an um len ve.

Atutan Nu Da Cing nunnak liam lak in a kaanghtu ram mei hi ahonih dah a duahmi a si timi an thei lo.

Credit: Chin World (Salai Khup Khup)

Latest News

News in Burmese