Tedim COVID-19 Mizaw Pathum Kalay Sizung Thial Ding Kalay Mipi nih an Duh Lo

| The Chin Journal | Hakha, Chin State

Tedim sizungpi ah an thlopmi hna COVID-19 mizaw pathum Kalay sizung ah tthial ding in timhtuahnak an ngeihmi kong he pehtlai in Kalay upa pawl nih duhlonak fak ngaiin an chim.

“Kalay peng le khuanu khuapa nih cun an duh hrimhrim lo. Abikin, Kalay sizungpi zong hi a chambau ngai. Cucaah, Falam sizung tibantuk zong ah an kuat awk a si ko. Kalay sizung ah kuat ding in an timh ahcun khuanu khuapa le Kalay mipi nih kham ding in timhtuahnak an ngei,” tiah Ko Kyaw Thet Win nih Chin World ah a chim.

U Aye Myint nih, “Khuanu khuapa le zatlangbu hna nih cun Kalay khuachung ah COVID-19 zawtnak a ngeimi minung pakhat a run luh lai hrim kan cohlang kho lo,” tiah a chim.

Kalay ah si loin Falam le Hakha ah a tlamtlingmi sizung pawl an um caah cuka ahcun tthial hna sehlaw kan duh, tiah Kalay upa pawl nih an chim.

U Aye Myint nih cun Falam le Hakha lei ah kuat loin Kalay ah an kuat a si cun kan khua hi thahnawn viar a kan timh a si ko lai, tiah a ti chap.

Ref: Chin World

Latest News

News in Burmese