Tedim COVID-19 Mizaw Pakhat Zong “Negative” a Hun Si Ve Cang

| The Chin Journal | Hakha, Chin State

Tedim sizungpi ah aa thlopmi COVID-19 mizaw (4) chung ah pakhat zong Negative a si cang, tiah Chin ramkulh ngandamnak le thlopbulnak zung luzik Dr. Aung Ngwe San nih a chim.

“Hakha COVID-19 mizaw Negative a hun si cang. Voi khat kan check rih lai. Tedim i Case-31 zong Negative a si ve cang. Asinain, a dang Case-23, Case-78 le Case-113 hi Positive peng an si rih. Negative result a voi khatnak a chuakmi pawl hi a tlawm bik suimilam 48 hnu ah voi khat check nolh an si tawn,” tiah a chim.

Myanmar ram COVID-19 mizaw pawl hi a tlawm bik voi 2 an zohfel tthan hna hnu ah zawtnak in a thiangmi lawng sizung in ttumnak nawl pek an si i, sizung ttum hnu zong ah inn ah Home Quarantine in chiah rih an si.

Atu Tedim i Case-31 le Hakha sizung i Case-150 zong hi atu hnu voi khat an checkmi hna ah Negative result a chuah ahcun an sining zoh in sizung in ttuamter an si lai i, cu hnu cun Home Quarantine ah chiah chap an si lai.

Chin ramkulh chung ah COVID-19 mizaw (6) hmuh an si i, cu chung ah cun Case-1 cu damnak a hmu cang.

Minung (5) an taang i a voi khatnak an zohfelmi hna ah minung (2) Negative an si i, a taangmi pathum belte hi Positive peng an si rih, tiah Dr. Aung Ngwe San nih a chim.

Cherhchan: Chin World

Latest News

News in Burmese