Tedim COVID-19 Mizaw i Hringtu Nu Zong Zawtnak a Ngei Ve

| The Chin Journal | Hakha, Chin State

US in nupi tthit ding in a rak tlungmi COVID-19 zawtnak ngei Tedim pa i hringtu a nu zong zawtnak a ngei ve, tiah April 9 zaan sml. 8:30 hrawng ah Myanmar ram ngandamnak zung nih thawng a thanh.

Atutan COVID-19 mizaw thar hi kum 59 nu upa a si i, Tedim i COVID-19 zawtnak a ngeimi pa he US in March 15 ah Yangon ah a rak phan ttimi an si.

A fapa COVID-19 zawtnak a ngei tiah an hmuh hnu ah amah zong hi Kaptel khuachung i inn pakhat ah amah lawng in an zohkhenh.

Asinain, anih hi COVID-19 zawtnak bantuk in lenglang in zawtnak a temtuar lo.

Ni 14 chung zohkhenh caan a dih lai a si cang i, a donghnak bik checknak tuah ding in a pumcung tihaang (Sample) cu April 7 ah Yangon ah an kuat.

Lenglang in zawtnak a ngeih le ngieh lo theihfian a si lo nain checknak an hun tuah tik ah COVID-19 zawtnak an hmuh hi a si.

Chin ramkulh chung ah COVID-19 zawtnak a ngeimi minung 2 an si cang. Myanmar ram huap in COVID-19 a ngeimi minung 23 hmuh an si cang i, cu chung ah cun minung 3 an nunnak a liam cang.

Latest News

News in Burmese