Tedim COVID-19 Mizaw Chungkhar Chimh an Ngai Lo, Duhnak Poah ah an Lengkai

| The Chin Journal | Hakha, Chin State

COVID-19 zawtnak a ngeimi Tedim pa i a chungkhar hi nawlngeitu nih zawtnak khenkhamnak ca ah tiin an chimhmi hna ngai loin duh paoh in khua an sa, tiah khuabawi nih a chim.

March 23 zan ah Tedim peng, Kaptel khuami, US in a rak tlungmi pa cu COVID-19 zawtnak a ngei tiin theih a si i, Kaptel khua cu Lockdown an tuah colh.

Asinain, Kaptel khuami pawl nih cun COVID-19 zawtnak a ngei ti hi an zum lo i, atu zong Lockdown tuah buin anmah ningkel in duh paoh in an tlongleng ko, tiah khuabawi Pu Do Za Tuam nih a chim.

“Khuami nih zawtnak hi zei ah an rel lo. Amah mizaw pumpak zong nih cun faak in a tuar ve lo cu. Pawngkam khuami zong nih acozah thanhmi hi a palh lai an ti i, an zum lo. Khuachung ah cun ahlan ningkel in an tlongleng ko hna,” tiah a chim.

“Mizawpa i a chungkharle hi innleng ah chuah lo ding tiah kan ti hna. Tha tuk in kan chimh ko hna. Asinain, mizaw kan si lo an ti i, nawl ngai loin an duhnak paoh ah an kal i an vaak,” tiah a chim chap.

Mizawpa khua ah hin milu 3,611 an um. March 18 ah khan US in a rak tlungmi atu mizawpa chungkhar nih thlacamnak puai zong an tuah i minung tam ngai an rak kal.

Kaptel khua hi Tedim he meng 18 a hlatnak ah a ummi a si i, motorcycle in suimilam pakhat kal a si.

Ref: 7Day News Journal

Latest News

News in Burmese