Tedim COVID-19 Mizaw (4) Lak ah Pakhat “Negative” a Hun Si Ve Cang

| The Chin Journal | Hakha, Chin State

Tedim sizung ah an thlopmi hna COVID-19 mizaw pali lak ah minung pakhat cu “Negative” result a chuak cang nain a dang pathum belte hi Positive peng an si rih.

Mizaw pali lak ah minung pakhat cu Negative a si. A dang pakhat hi Negative a si chel, Positive a si tthan chel tiin a um tiah Tedim sizung uktu Dr. Zaw Myint Naing nih Khonumthung ah a chim.

“Case-113 cu Negative voi khat a piah cang. A dang pakhat hi a ttum a kai tiin a um i thaizing kan zohfel tthan lai,” tiah a chim.

Tedim sizung ah Myanmar ram a pakhatnak COVID-19 mizaw telh in minung 5 an zohkhenh hna i, Case-1 cu sizung in a chuak cang.

Atutan Negative result a chuakmi pa le a dang pathum in pehzul in an hnarchung tihaang (Swab) zohfelnak an tuah tthan hna lai.

Latest News

News in Burmese