Tedim ah COVID-19 Lunghrinhmi Mizaw Pakhat Sizung ah an Chiah

| The Chin Journal | Hakha, Chin State

Chin ramkulh Tedim khua ah March 21 ah COVID-19 mizaw a si kho tiah an lunghrinhmi pa an hmuh caah sizung ah an zohkhenh, tiah teih a si.

Hi pa hi US in Chinram ah nupi tthit ding in a rak tlungmi  a si i, Tedim peng Kaptel khuami kum 24 tlangval a si.

March 18 ah Kaptel khua ah a phan i taklinh le damlo in a um ruang ah khuabawi nih sizung ah thawng a thanh.

Tedim sizung in ttuanvo ngeitu saya/ma pawl nih an vung kal hnawh i ni 14 chung sizung ah zohkhenh ding in Tedim ah an kalpi.

Kaptel khuabawi Pu Ko Suan Khai nih, “A rak phak ka ah cun a dam ko. A phak hnu ah domlo in a um hi a si. A chungkhar nih cun tlangrai sawhsawh nih a tlakmi a si lai tiah an zumh. Atu cun Tedim sizung i mi an um rih lonak innthar an sakmi ah an chiah i an zohkhenh,” tiah a chim.

Kalaymyo khua zong ah Singapore in a rak tlungmi nu pakhat cu Covid-19 zawtnak a ngeih le ngeih lo zohfel awk ah sizung ah an chiah ve, tiah theih a si.

Ref: Zalen

Latest News

News in Burmese