Superman Angki Le Phahnah Loin a Fanute Degree Laknak ah a Kalpi Hringtu Pa Thangthat a Tong Ngaingai

| The Chin Journal | Hakha, Chin State

Philippines ram Mindoro tikulh khua ah Superman angki chiate le phahnah loin a fanute degree laknak ah a kalmi hringtu pa hmanthlak online ah a hun kai tik ah mizapi nih thangthatnak bia a phunphun in an chim cio.

Hi hringtu pa hi Philippines ramchung ah khua a sami Mangyan timi miphun a si i, innsaknak ah aa hlawhfa tawnmi a si.

Sifakte an si ve tikah amah pumpak phahnah cawk cu chim lo degree a lami a fanute hmanh phahnah a cawkpiak kho lo.

Asinain, mi tampi nih an fak khunnak cu mah tluk sifah ko buin a fanute fimcawnnak hi tluk in thazaang a pek khawh i a zohkhenh khawh hi hringtu pa tha tuk a si, tiah an ti.

Pafa hna phahnah lo tein an i hruaimi hmanthlak cu Cartoon zong in dawh tein an suipiak hna i a hmutu vawleicung mi tampi nih hmantlak an hmuh tik ah an lung a kuai tuknak kong Twitter le Facebook ah a phunphun in an langhter.

Minung pakhat nih, “Ka lung a ka khuai tuk hringhran. Hi hringtu pa hi rian tlamtling in hmu kho ko seh tiah thlaza ka campiak. A fanu zong cathiamsang ah i chuah in a pa ca ah uahthlarpi awktlak fanu si hram ko seh,” tiah a chim.

Vawleicung minung tampi nih, “Superman taktak cu mah hringtu pa hi pei a si hi,” tiah an conglawmh cio.

-Philnews

Latest News