Myanmar Rammi 4 ah 1 Lawng nih Bank Account Ngei

| The Chin Journal | Hakha, Chin State

Myanmar rampi ruahnak petu Daw Aung San Suh Kyi nih Myanmar rammi pali lak ah pakhat lawng nih Bank Account an i ngeih, tiah November 2 ah a chim.

November 2 ah Thailand ram, Bangkok khua ah “Asean Business And Investment Summit – 2019” an tuah i cuka hmun ah cun Suh Kyi nih a biachimnak ah a cunglei bang in a telh chih hi a si.

“Myanmar rammi pali lak ah pakhat lawng nih Bank Account an ngei i Myanmar rampi milu zapi i 5% lawng nih Credit Card an ngei kho. Myanmar ramchung Bank riantuannak zulhphung cheukhat dindorhnak, rammi pakhat le pakhat kar tthancho ningcang i thlau tuknak zorter le phaisa hrambunh riantuannak lam thar pawl kawl i rammi hna sining tunmer ding in kan i zuam cuahmah,” tiah Suh Kyi nih a chim.

Bangkok ah November 2 ah an thawkmi “Asean Business And Investment Summit – 2019” cu thaizing November 3 tiang pehzul in an tuah lai, tiah theih a si.

-MCN

Latest News