/

Suh Kyi le President Win Myint a Voi Khatnak Biaceih Zung an Chuahpi Hna

The Chin Journal | Hakha | Chin State

Nihin February 16 ah Myanmar State Counselor Aung San Suh Kyi le President Win Myint cu a voi khatnak bik bia an ceih hna, tiah theih a si.

Daw Suh le President Win Myint hi anmah pumpak biaceih zung ah kal si loin Naypyidaw i Zamyothiri peng biaceih zung nih Video Conferencing in bia a ceih hna.

Sihni U Khin Maung Zaw nih, “Video Conferencing in Daw Suh biahalnak kan tuah lio ah ngandam ngaiin a ummi kan hmuh ko. A dam ngai ko,” tiah a chim.

Daw Suh cu ramdang lei in phungning loin Kawlram ah luhpimi i chawnhnak radio a hman, tiah an ti i sualphawtnak pohma no. 8 (Import/Export Law) in taza an cuai.

Import/Export Law in taza an cuai pin ah ngandamnak lei runvennak upadi pohma no. 25 zong in Daw Suh hi tazacuai a si chap.


Cun, President U Win Myint zong September 29, 2020 lio ah President runinn pawng ah minung 700 he an i pum tiah sual an phawt i, ngandamnak lei runvennak upadi pohma no. 25 in tazacuai a si ve.

Tazacuai an tonmi kong ah ramdang lei upadi thiamsang hna he zong pehtlai in ruahnak i cheuhnak kan ngei, tiah sihni U Khin Maung Zaw nih a chim.

Cherhchan: RFA

THAWNG THAR

The Chin Journal Internship Program ah Thantlang, Hakha le Falam ah a ummi paoh i tel khawh a si. Hi Internship Program ah i tel na duh ahcun APPLICATION FORM hi phi ve.