Spain Ram ah Ni Khat Chung Lawng ah Covid-19 in Minung 100 Leng an Thi

| The Chin Journal | Hakha, Chin State

Spain ram ah ni khat chung telawng ah Coronavirus zawtnak in minung 100 leng an nunnak a liam, tiah theih a si.

March 13 thawk khan Spain ram ah Coronavirus in a nunnak a liammi an karh thluahmah. March 13 ah minung 46 an rak thi.

March 14 a phak tik ah 63 an nunnak a liam tthan i a thaizing March 15 ah cun minung 98 tiang bak nikhat chung lawng an nunnak a liam.

March 16 ah minung 48 a nunnak a liam tthan Covid-19 in a thimi an zor nain March 17 ah minung 191 bak an nunnak a liam. Cun, March 18 zong ah minung 105 an thi tthan. Nihin March 19 ah minung zeizah an thi timi belte a fiang rih lo.

Spain ram ah Covid-19 zawtnak a ngeimi minung 17,000 leng an hmuh hna i, atu tiang ah minung 767 an nunnak a liam cang.

Europe chung ah Spain, UK, Italy le France nih hin Covid zawtnak fak khun in an tuar i Italy ah cun minung 3,000 dengmang an nunnak a liam; UK ah minung 100 leng an nunnak a liam i, France ah minung 260 leng an nunnak a liam.

Latest News

News in Burmese