Sii Dawr le Datsii Dawr Pawl Khar Lo Ding in Chin Ramkulh Cozah nih Nawlchuah

| The Chin Journal | Hakha, Chin State

COVID-19 pulrai caan a tlun caan chung ah mipi nih zulh awk phun (6) Chin ramkulh cozah nih April 17 ah nawl a chuah.

Cu chung ah cun COVID-19 caan chung ah Chin ramkulh chung ah eidin dawr (facang, chiti tbk.), sii dawr le datsii dawr pawl cu khar loin ahlan ningkel tein dawr nan on lai timi aa tel.

Nawlchuahmi phun (6) cu a tanglei bang hin an si:

(1) Edin le sii dawr pawl ahlan ningkel tein nan on lai. (2) Datsii dawr pawl ahlan ningkel tein nan on lai. (3) Ngandamnak kong le chiat ni that ni kong lengchuah tik ah a herh tuk lo cun nan chuak lai lo. (4) Lengchuah loin a si khawh chung in innchung ah um i zuam ding. Lengchuah tikah kaahuh i huh hrimhrim ding. (5) Thihloh/chiat ni ah cun a si khawh chung in mi tlawm tein tuah i zuam ding. (6) Ngandamnak zung nih a chuahmi zulhphung pawl dingrep tein zulh ding, timi hna hi an si.

A cunglei i an chuahmi nawl cu atu April 17 thawk in nunter a si cang i, hrawh tthan a si hlanlo chung paoh mipi nih zulh a si lai.

Latest News

News in Burmese