Shwebo ah Thongtla Pawl Palik Nih Meithal in an Kah Hna

| The Chin Journal | Hakha, Chin State

Myanmar President ngaihthiamnak in lemcang Moe Aung Yin nih luatnak a hmuh ve hnu ah Kalay thonginn ah buaibainak a chuah bang in Swebo thonginn zong ah buaibainak fak ngaiin a chuak i palik nih thongtla pawl meithal in an kah hna, tiah theih a si.

“Ritsii case in thong kum 17 thlakmi lemcang Moe Aung Yin vial luatnak a hmu i case khat in thong a tlami kannih vial ziah luatnak kan hmuh ve lo” tiah thongtla luatnak covo i ruannak an duh caah halnak an tuah i buaibainak tiang a chuah hi a si.

Swebo district palik tuanvo ngeitu pakhat nih, “Meithal kahnak a chuak taktak ko. A thimi le hliam a pumi cazin bel kan fiang rih lo,” tiah a chim.

Swebo thonginn buaibainak kong Live in a thlahtu Kyal Zin timi pa nih cun, “Minung pahnih an thi i pathum hliamhma an pu,” tiah a chim.

-Baganthar

Latest News