Shanram Chinmi Pawl Paletwa Ralzam Bawmh Awkah Motor 3 in an i Thawh Cang Lai

| The Chin Journal | Hakha, Chin State

Shan ramkulh, Taungyi khua ah a ummi Chinmi pawl nih Sami khua ah aa dormi Paletwa ralzam pawl bawmh awk ah motor pathum in an i thawh lai, tiah thawng kan theih.

Light Truck motor pahnih khat tein an rawnmi bawmhnak pawl le pastor minung 7 an i cit dingmi motor pakhat cu thaizing ah Taungyi in an i thawh lai.

Sami ah a ummi ralzam hna sin ah a kal dingmi Taungyi khua i Chinmi hna

Ralzam hna sin ah tluang tein an phanh khawh nakhnga thlaza kan campiak u, tiah Yangon hrambunh Chin Christian Alliance ah Secretary a simi Rev. Dr. Charity Htoo nih a langhter.

Myanmar ramchung ramkulh le ramtthen dang in Paletwa ralzam hna sin ah zawnruahnak nganpi he pumpak in vung kal i bawmhnak pek timh hi atutan hi a voi khatnak a si.

Latest News

News in Burmese