Salai Bi Va le Khuabawi Luatnak an Hmuh Than Nakhnga Bukip Fonh Thlacamnak an Tuah

| The Chin Journal | Hakha, Chin State

Chin ramkulh, Paletwa peng Tan-taung khua palik sakhan-hmu Salai Bi Va le khuabawi Chia Haw AA kut in luatnak an hmuh than khawh nakhnga Tan-taung khua ah tuzing suimilam 10:00 ah bukip fonh thlacamnak an tuah tiah theih a si.

Feb. 22, zinglei suimilam 4:00 hrawng ah Paletwa peng Tan-tuang khua palik sakhan ah AA minung 40 hrawng an run phan i sakhan-hmu Salai Bi Va cu meithal chiah ding an fial. A duh lo ruang ah an velh chap hnu ah khuabawi U Chia Haw le khuami pahnih ramlak ah an kalpi hna. Zinglei sml. 8:30 hrawng ah ramlak in meithal thawngpang an theih chap.

Zinglei sml. 4:30 ah AA nih suimilam cheu chung hrawng an rak kah hna. Cun, zinglei sml. 8:20 hrawng ah sakhan an rak kah than, suimilam cheu chung hrawng kaphnih kar kahdohnak a chuak tiah Tan-taung khuami pakhat nih a chim.

Tan-taung khua kiangkap ah atu in hin AA pawl a voikhatnak cawlcangh hram an thok a si. Tlaih a tongmi hna an konglam theih a si rih lo.

-Zalen; Narinjara

Latest News