SAC Ralhrang UEC Tonnak ah Pu No Than Kap amah Nawl in a Kai

| The Chin Journal | Hakha, Chin State

Nihin May 21 ah SAC ralhrang sermi thimnak kong tawlreltu UEC tonpumhnak ah CNLD ruahnak petu Pu No Than Kap amah nawl a kai, tiah thawng kan theih.

CNLD Chairman Pu David Ngai Sak nih a kai lo ding in ca zong kan pek cangmi hna a si i, zei ruang ah dah Pu No Than Kap a kai timi kan thei lo, tiah a chim.

“Tonnak ah kan kai lai lo tiin ca zong in kan kuat ko hna. Zei ruang ah dah a kai hnga. Kanmah zong nih kan thei lo. Mah kong hi kan hlat lio a si i CNLD nih phungning in cathanh zong kan chuah te lai,” tiah a chim.

Naite ah CNLD hruaitu lei thlennak an tuah i, Pu David Ngai Sak cu Chairman ah an thim. Cun, General Secretary ah Salai Ceu Bik Thawng an rak thim.

Ahlan i Chairman a rak ttuan ttimi hna Pu No Than Kap le Pu Zo Zam cu ruahnak petu rian an khinh hna.

Latest News

News in Burmese