SAC nih an Hlanmi Pa Tangka an Pek Khawh Lo caah Rian a Ngol

| The Chin Journal | Hakha, Chin State

SAC ralhrang nih an hlanmi Israel Lobbyist Ari Ben-Menashe (kum 69) cu hlan man SAC nih an pek lo caah SAC ca rian tuan ding vialte a ngol chung, tiah theih a si.

US, EU, Britain le Democracy a dirpitu nitlaklei ram pawl nih SAC dantatnak an tuahmi ruang ah SAC nih Ben-Menashe tangka an pe kho lo, tiah Reuters thawngzamhnak nih a ttial.

SAC nih NLD kut cung in nawlngeihnak a chuh hnu ah vawleicung cozah kip sin ah SAC ca ah lamsialpiak ding in Ben-Menashe hi an hlanmi a si.

March thla chung ah khan SAC nih Ben-Menashe hi $2 million in an rak hlan.

Ben-Menashe tawlrelnak thawng in CNN Journalist zong Myanmar ah a rak phan.

Ben-Menashe nih caan karlak chung ah SAC ralhrang bawi pawl ca ah zei pawl dah a tuahpiak hna timi dikthlir in theih a si lo.

SAC ralhrang bawi pawl US nih sipuazi lei dantatnak a tuahmi hna ruang ah Ben-Menashe sin ah hlanman tangka an pe kho lo i, US nih dantatnak a hliahphuah hnu lawng ah Ben-Menashe kut cung ah SAC nih tangka an phakter khawh lai, tiah Reuters nih a ttial.

Latest News

News in Burmese