Rum Le Suingun Chawva Ka Duh Tuk Cun Ka Rian Ka Thlau Lai| Director Christina

| The Chin Journal | Hakha, Chin State

Atulio Myanmar ramchung mipi lungthin a suam dihtu Director Christina nih zei ruang ah dah rum duhtuknak lungput a ngeih lo timi le suingun chawva a tleihchan lonak kong a chim.

May 13 ah Director Christina le a vapa Actor Zat Khi cu Media pawl nih biahalnak an tuah hna.

Christina nih, “Movie thlak thiamnak ka rak cawnka ah hin rum duh tuknak lungput ka ngeih ahcun ka kalmi lamthluan cung in ka tlau lai ti hi ka theih,” tiah a chim.

“Nu ka si bang in mansung tamhnak le suingun thilthuam pawl cu ka duh ve ko. Sihmanhsehlaw, duh lo ding in keimah tein um khawh kaa zuam. Ka haak a kauh tuk ahcun haakkauhnak lam ka zul lai. Tikah, ka vapa ka hneek tuk lai i a duh lomi Movie pawl zong (Tangka hmuhnak ah) thlak ka hau hnga. Cuti ningcang loin lohtlau thai lai ding cu ka tih tuk. Cucaah, ka ngeihchunh tein i dawh le umthiam kaa zuam ko,” tiah a chim chap.

Director Christina le a vapa cu Myanmar Academy Awards peknak ah laksawng pakhat hmanh hmu hna hlah hmanhsehlaw Myanmar mipi nih “Pyituh Academy” timi naite ah an pek hna, tiah theih a si.

Latest News