Rul Nih a Hngawng a Reh Taktakmi a Zohtu Pawl Nih Capo ah an Ruah| Video

| The Chin Journal | Hakha, Chin State

April thla donghlei ah khan Russia ram Dagestan khua ah Circus hmuhsaknak puai an tuah i cu ah cun mipa pakhat nih rulpi i ngerh in hmuhsaknak a tuah lio ah rul nih a hngawng a reh taktak i mah hngal loin a ngal.

Upa baan nak hmanh in a nganmi rulpi cu rul tonghtham a thiam an timi pa nih a hgawng ah aa ngerh i mipi cu a hmuhsak hna.

Sihmansehlaw, a hngawng ah rul aa ngerhnak second 10 hrawng ah mipa cu amah tein a tlu. A zohtu mipi nih aa titermi le siningkel ah an ruah.

https://youtu.be/zGSUy93nY7o

Mipa cu a tluk buin a orhlei kut voi 6 hrawng a hnuh. Cu hnu cun a takpum tlawngpal lawng a cawl kho cang.

Puai tuahnak ah tuanvo ngeitu minung pahnih nih a rianrannak in an zuan hnawh i a hnawng ah aa ngerhmi rul cu an phoihpiak.

Sihmanhsehlaw, mipa cu a cawlcaang kho ti lo. Khulrang in sizung ah an tlikpi nain hi pa hi a nunnak a liam thai, tiah Daily Star UK nih a tial.

Latest News