Ronaldo: Tei Caan ah Messi Thangthat i Sung Caan ah Midang Mawhchiat a Phung Si Lo

| The Chin Journal | Hakha, Chin State

Barcelona nih teinak a hmuh caan ah Messi cung ah thangthatnak biachim i an sungh caan ah midang mawhchiat hi a phung si lo, Messi zong an mawhchiat ve awk a si ko tiah hlanlio Brazil bawlungchuih minthang Ronaldo nih a chim.

Champion League Semi-Final ah Messia nih First Time ah cun a thiamnak a langhter khawh ngai ko nain Second Half ah a kee a lang tuk ti lo i 4-0 bak in an sung.

Cucaah, Barca cu kum 2 pehzul in ruah lo piin Champion League Final kai kho loin an tla.

“Sungh ruang ah atutan mawhchiatnak an tuahmi hi aa ningcang lo ngai. Barca cu Footbal Team tha tuk pakhat a si i, vawleicung bawlungchuih thiam bik Messi aa telnak a si fawn. An sungh caan ah Messi he a chuih timi a dang a hawile pawl an mawhchiat hna i teinak an hmuh caan ahcun Messi an thangthat tawn,” tiah Ronaldo nih a chim.

“Atutan Barca a sungh cu ngaihchia ngaingai a si ko. Spain Football Team a simi Barca Final a kai khawh lo cu lung a tha lo ngai ko nain Liverpool an chuih dan zoh tikah an i biatak tuk ning hi Final phak awkah an i tlak,” tiah a chim chap.

-ESPN

Latest News