Rithaisii Phorhnak ah Hmanmi Ti-tangkal Tilawng an Tlaih| Video

| The Chin Journal | Hakha, Chin State

Rithaisii phorhnak hrimhrim ah an serchuahmi ti-tangkal tilawng (Submarine) cu US rili congtu ralkap nih ritsii pound 12,000 he an tlaih, tiah theih a si.

Nichuahlei Pacific Rili cung ah US rili congtu ralkap nih mah ritsii phortu ti-tangkal tilawng hi September 5 ah khan an rak tlaihmi a si.

US rili congtu ralkap le Colombia ti ralkap an i bawm i suimilam 24 chung an nehnang an dawi hnu hna ah an tlaih khawh hna hi a si.

Tlaihmi ti-tangkal tilawng chung ah ritsii phortu minung 4 zong an tlaih chih hna i ritsii an tlaihmi hi a man in tuak ahcun $165 million a si, tiah ABC News nih a langhter.

Latest News