Ring Bawi Le Golden Glove Champion Aaron Hicks an i Thonghnak| Video

| The Chin Journal | Hakha, Chin State

May 19 ah Chin boxing thongh thiam Ring Bawi le 2019 Indiana Golden Glove 141 Division Champion a simi Aaron Hicks cu Kentucky, Louisville ah an i thong.

Kum khat voi khat an tuah tawnmi “Trilla in the Villa” boxing thongh zuamnak puai ah Ring Bawi zong aa thongh ve hi a si i, atu in cun boxing voi 3 aa thonghnak zong a si cang.

Ring Bawi nih, “State dang ah a voi khatnak bik ka thongh a si pin ah Champion a simi he kaa thongh khawh caah hmailei ca ah experience a ka pek ngaingai,” taih a chim.

Aaron Hicks hi Indiana State Champion a si pin ah Ring Bawi nakin a khing zong a rit deuh.

Asinain, an i thonghmi zoh tikah aa khingkhaang in Ring Bawi nih a thonghpi khawh. Video hi Round 2nk tiang lawng an rak thlak i Round 3nk belte a bau.

Round 3nk zong ah aa khingkhaang thotho in an i thong. Asinain, Judge te biachahnak in 1 Point in Aaron Hicks nih Ring Bawi cu a tei.

Aralaimi June thla chung hrawng ah voi khat hrawng kaa thong than te kho, tiah Ring Bawi nih a chim.

Latest News