/

Rihkhawdar ah Pa Pakhat Lu Tan in Thah a Tong

The Chin Journal | Hakha | Chin State

Falam peng, Rihkhawdar TV Station ah rian a ttuanmi patung pakhat cu nihin zanlei ah thluak tlamtlinglo pa nih a lu a tan i a thah, tiah theih a si.

Hi thil a can hi zanlei sml. 5:00 hrawng khan a si i, thah a tongmi pa hi fa pahnih ngei kum 43 minung a si.

Rihkhawdar sang no. 1 uktu Pu Chan Liana nih, “A thattu pa hi thluakhmaan loin a molhmi a si i, nitin in Pathian bia lawnglawng a aupi tawn. Cun, Rihkhawdar i lung khuainak seh ah rian a ttuanmi a si. Hi pa hi Mindat lei in Rihkhawdar ah a rak phaknak zong kum khat lawng a si rih,” tiah a chim.

A thluakhmaan lomi pa nih fa pahnih a ngeimi pa cu a lu ah meithahnak thir dur in a tuk hmasa. Cu dih cun a lu a tan, tiah Pu Chan Liana nih cun a chim.

Thah a tongmi pa hi Falam peng Suangdo khuami a si. Mithattu pa zong palik nih an tlaih khawh colh, tiah Pu Chan Liana nih a chim chap.

Zei ruang ah dah atu bantuk in ruru hranghrang in thahnawnnak a chuah timi belte fiang in theih a si rih lo.

[Zalen]

THAWNG THAR

The Chin Journal Internship Program ah Thantlang, Hakha le Falam ah a ummi paoh i tel khawh a si. Hi Internship Program ah i tel na duh ahcun APPLICATION FORM hi phi ve.