Riantuantu Nih Bawm Duh Loin Thonginn Cung ah Minu Nau an Ngeihter| Video

| The Chin Journal | Hakha, Chin State

US ram, Denver County thonginn chung ah kum 27 a simi Daina Sanchez cu riantuantu a pawng ah an um ko nain amah lawng nau an ngeihter ca ah thonginn riantuantu pawl taza a cuai hna, tiah theih a si.

Thonginn khaan cung ah Daina nganfah in a ai cuahmah lio ah hin kutka pawng ah thonginn siilei riantuantu pawl an dir i an zoh sawh.

Daina thla 8 naupawi in a um lio ah thonginn a tlak hi a si. Khaan chung ah suimilam 6 chung hrawng ngahfah in a ai hram i cu lio ah cun sii lei riantuantu pa pakhat kutka pawng ah a um ko.

Daina nih amah tein nau a hrin khawh hnu ceo ah mipa cu a rung lut i Diana nau cu a fimhlawmpiak. Asinain, sizung ah an kalpi colh fawn lo. Nau a hrin khawh in minute 30 a ruah hnu ceo ah sizung ah an kalpi.

Daina sihni Mari Newman nih, “Daina ca ah a sunglawi tukmi nicaan cu tihphannak, ningzahnak le nganfahnak in an khahter. Atu tiang ah Daina nih lungthin lei in a tuartem peng rih,” tiah a chim.

Daina nih atu bantuk in a tonmi thil sining kong ah August 28 ah khan biaceih zung tazacuainak an tuah. Daina nih hi thil a ton hi July 2018 ah khan a si nain tazacuainak an tuah hnu atukum August lawng ah mah video hi phungning in an langhtermi a si.

-AFP

Latest News