Riantuannak Hmun ah Myanmar Nunphung Upat Ding Timi Cauk MCRB Nih a Chuah

| The Chin Journal | Hakha, Chin State

Myanmar ramchung ah rian a tuanmi ramdangmi le ramchung hmun dangdang ah rian a tuanmi Myanmar rammi hna nih tlangcungmi hna nih an ngeihmi nunphung upat buin rian an tuan khawh nakhnga Myanmar Center for Responsible Business (MCRB) nih cauk pakhat a chuah, tiah theih a si.

Cu cauk cu, “Respecting Myanmar Culture in Workplace” tiah tlang an tar i atu September thlathawh ah zapi sin theihter zong an tuah.

Vawleihmun hman kong ah siseh a dangdang kong zong ah siseh tualchungmi hna i an rak ngeihmi nunphung kha upat i anmah he tha tein i ceihmai a hau tiah cauk nih a langhter.

Cun, Myanmar ram cu miphun tampi kan umnak a si caah miphun pakhat sin ah riantuan ding in i timhlamh tik ah cu miphun hna i an nunphung theih a herh pin ah an caholh zong Basic tal cawn i thiam a herh, ti zong a langhter chih.

MCRB cu UK, Norway, Switzerland, Netherlands le Ireland cozah hna i chawva lei bawmhnak in 2013 ah an rak dirhmi a si.

-MCRB

Latest News