Ramkulh Pathum Cozah nih 2020 Thimnak Teitu Party nih Cozah an Dirh Tiang Zung Kan Khar Tiah Thawngthanh

| The Chin Journal | Hakha, Chin State

Myanmar ramchung ramkulh pathum i cozah pawl nih 2020 thimnak ah teinak a hmumi party pawl nih cozah thar an dirh tiang zung kan khar tiah nihin ah thawng an thanh.

Nihin chun ah Shan ramkulh cozah le Kaya ramkulh cozah nih a cunglei bantuk in thawng an thanh i, Kachin ramkulh cozah zong nih a rauh hlah ah thawngthanhnak ca a chuah ve.

An cathanh ah, “Phunghrampi lonh in ralkap uknak laknak an tuahmi cung ah duhlonak fak piin kan langhter,” tiah an ttial.

“Phunghrampi pohma 29 ning in ramkulh/ramtthen cozah cu Myanmar ramkomh daihnak rian a bawmtu/ttuanvo ngeitu a si lai ti a si bantuk in ramkomh cozah bawmh ding in ttuanvo kan ngei,” tiah an langhter chap.

“Ralkap nih uknak a lak hnu ah hramhram uknak lak duhlo cawlcanghnak Civil Disobedience Movement ah cozah zung rianttuan pawl tampi an i tel. Ralkap uknak duh loin CDM cawlcanghnak ah aa telmi cozah rianttuantu pawl cung ah upatnak nganpi kan pek hna,” ti zong in an langhter chap.

Atu bantuk in cozah zung rianttuan pawl zung kai loin an umcang caah 2020 thimnak ah teinak a hmumi party/palai pawl nih cozah thar an dirh nicaan tiang phungning in zung khar ding in thawng kan thanh, tiah Kachin, Shan le Kaya ramkulh cozah nih thawng an thanh.

Cherhchan: Myanmar Now

Latest News

News in Burmese