Rambo Nih Mexican Ritsii Gang a Dohnak Movie Tehchungnak a Chuak| Video

| The Chin Journal | Hakha, Chin State

Vawleicung mi tampi nih an hngahhlangmi Rambo a donghnak bik Movie tehchungnak (Trailer) cu Lionsgate Film nih August 20 ah mizapi hmuh khawh ding in a hun tarlangh cang.

An tarnak a sau rih lo nain a zohtu milu 4 million dengmang an si manh cang.

Atutan Rambo movie thar hi US-Mexico ramri ah an thlakmi a si i, Rambo i a hawipa fanu ritsii gang pakhat nih an tlaih ruang ah khamh ding in a vung kalnak a si.

Action Thriller film phun a si i ahramthok in a dongh tiang lungtur taktak in zoh ding phun a si.

Thailand-Myanmar ramri ah an rak i thlakmi Rambo 4 cu 2008 ah khan an rak thlah i Myanmar ralkap puarhrannak kong a si caah Myanmar ram ah cun piah a rak ngah lo.

Rambo 4 an rak thlak lio ah $50 million an hman i an piah tik ah $113.2 million (Box Office) an hmu. Cun, Rambo 4 hi IMDB rating 7/10 tiang a hmu ve.

Autan Rambo movie thar cu hmaithla September 20 ah US ram ah cun an piah cang lai, tiah theih a si.

Video & Photo – Lionsgate Movies 

Latest News