By Min Cung Sang | Myanmar ralkap nih uknak a lak hnu ah Hakha zong ah datsi man kai hram a thawk, tiah thawng kan theih.
Datsii man hi Hakha lawng ah si loin Kawlram chung huap in a kai i, Yangon ah cun thil dangdang tete zong tlawmpal man kai hram an thawk ve. Asinain, facang hi atu tiang ahcun amah ning a si rih.
February 1 hlan, ralkap nih uknak a lak hlan ah khan cun Hakha ah Datsi (92) hi thawl khat ah 830 a si i, atu ah cun 980 ah a kai cang.
Cun, datsi (95) hi thawl khat ah 850 a rak si nain atu ah cun 1050 ah a phan. Diesel zong thawl khat ah 800 si tawnmi kha atu ah cun 920 ah a kai.
Cun, Premium thawl khat ah 820 si tawnmi kha atu ah 980 a si cang. A cunglei Datsii le Diesel man hi Hakha Ko Aung dawr nih atulio a zuar ning a si.
Hakha khuachung a dangdang dawr pawl ah cun Datsi 92 hi thawl khat ah 1,200; Datsi 95 hi thawl khat ah 1,400; Diesel thawl khat 1,200 le Premium thawl khat 1,400 ti tiang in an phan.
Hakha khua facang man tu cu atu tiang ah cun an kai rih lo.
