/

Ralkap nih Bank Sachoh Pawl anmah Nawl in an Zuar

The Chin Journal | Hakha | Chin State

Ralkap cozah nih Myanmar Central Bank i Bank Sachoh (Treasury Bond/ငွေတိုက်စာချုပ်) pawl anmah nawl in an zuar, tiah 2020 thimnak ah teinak a hmumi Myanmar hluttaw palai aiawhtu bu (CRPH) nih February 17 ah cathanh a chuah.

Rampi cozah nih a hmuhmi tangka nakin a hmanmi tangka a tam deuh tik ah a chambaumi tangka (အစိုးရဘတ်ဂျက်လိုငွေ) rulh awkah Bank Sachoh (Treasury Bond/ငွေတိုက်စာချုပ်) hi zuar tawn a si.

Ahlan ah cun Bank Sachoh zuar loin Central Bank nih tangka a thar in a serchuah i a cawih tawn hna. Asinain, cuti tuahnak nih cun ramchung tangka pornak (ငွေကြေးဖောင်းပွမှု/inflation) a chuahpi tawn.

Bank Sachoh (Treasury Bond/ငွေတိုက်စာချုပ်)

Cucaah, 2015 thawk in Myanmar ram ah tangka a thar in serchuah si ti loin Bank Sachoh pawl tu zuar in acozah tangka bau an rulh tawn.

Hi Bank Sachoh hi Kawlram ah a cawtu bik hna cu Private Bank pawl le Insurance Company pawl an si hna.

Atu ah ralkap cozah nih amah nawl in Bank Sachoh pawl a zuar tik ah phungning lo ralkap cozah nih Bank Sachoh a zuarmi hi phungning lo a si, tiah CRPH nih ralrin peknak cathanh a chuah hi a si.

“Phungning lo a simi ralkap cozah (SAC) nih Bank Sachoh zuarnak nawl a ngei lo. Cucaah, a zuarmi Bank Sachoh pawl cu phungning lo an si i, a cawtu hna nih hmailei sunghzatlaknak nan ton dingmi kong ah CRPH nih kan in chimphoihpiak hna lai lo,” tiah ralrin peknak cathanh an chuah.

CRPH nih ralrin peknak cathanh a chuahmi

THAWNG THAR

The Chin Journal Internship Program ah Thantlang, Hakha le Falam ah a ummi paoh i tel khawh a si. Hi Internship Program ah i tel na duh ahcun APPLICATION FORM hi phi ve.