Ralkap Hi Misual Kan Si Lo, Misual ah Ruah Ding in Na Kan Ti Lo a Herh

| The Chin Journal | Hakha, Chin State

Myanmar ralkap hi misual kan si lo i misual bantuk in hmuh ding in na kan ti lo a herh, tiah ralkap thawngdik zamhtu bu nih tuahmi Press Conference ah General Tun Myat Naing nih a chim.

June 22 ah Naypyidaw ah tuahmi ralkap thawngdik zamhtu bu Press Conference ah Gen. Tun Myat Naing nih atu bang in a chim hi a si.

Ralkap pawl hi ram ca ah dingfel tein nun aa pemi an si i an riantuannak ah harnak tampi an tong. An nunnak a him ruang ah atu bantuk in rank zong dot khat hnu dot khat an hmuh ve hi a si, tiah a pehchap.

“Ralkap um hlah sehlaw kan ram ah zeidah a can lai ti cu nan theih dih ko. Sihmanhsehlaw, ralkap um lo ding in lenglei in a phunphun in a tuksawhtu tampi an um,” tiah a lanhter chap.

Cucaah, ralkap cung lungput thiang le hmaan tein rak kan chimrelpiak hram u, Media le mipi zong nih rak kan theithiam hram u, tiah Gen. Tun Myat Naing nih a langhter.

Latest News