Ral Ruang ah Hliam a Pumi Pawl Yangon Lai Khrihfabu Pakhat nih Tangka a Bawmh Hna

| The Chin Journal | Hakha, Chin State

AA le Kawl ralkap an i kahnak ruang ah hliamhma a pu i, Matupi sizung ah a ummi pawl cu Yangon ah a ummi Lai Khrihfabu Cornerstone Baptist Mission Myanmar (CBMM) nih bawmhnak a pek hna, tiah theih a si.

March 29 ah khan CBMM pastor Rev. Uk Ling Thang te cu Matupi sizung ah an kal i ral ruang ah hliam a pumi minung 10 cu tangka 40,000 MMK cio bawmhnak an pek hna.

Rev. Uk Ling Thang nih, “Tangka thong 40 cio bawmhnak kan pek hna i, thazaang peknak le thlacampiaknak kan ngei hna. Thaizing hi ralzaam an umnak Samee lei ah vung kal kan i tim,” tiah a chim.

CBMM hi an ti khawh tawk in Malaysia zong ah Laimi mizaw le thongtla pawl a vung veh tawntu an si i, nai March 13-16 kar zong ah khan Malaysia ah an vung i an vung veh hna.

Latest News

News in Burmese